არგენტინამ კაბო-ვერდეს ნაკრები დაძაბულ ბრძოლაში დაამარცხა და მსოფლიო ჩემპიონატის 1/8 ფინალში გადავიდა

არგენტინის ეროვნულმა საფეხბურთო ნაკრებმა მსოფლიო ჩემპიონატის 1/32 ფინალში კაბო-ვერდეს ნაკრები ანგარიშით 3:2 დაამარცხა და 1/8 ფინალში გადავიდა.

მატჩის 29-ე წუთზე ლიონელ მესიმ ანგარიში გახსნა და არგენტინელები წინ გაიყვანა. ეს იყო მესის მეშვიდე გოლი მიმდინარე მსოფლიო ჩემპიონატზე და მე-20 მუნდიალების ისტორიაში, რაც კი არგენტინელს გაუტანია.

თამაშის 59-ე წუთზე კაბო-ვერდეს ნაკრებმა ანგარიშის გათანაბრება შეძლო.

მატჩის ძირითადი დრო ანგარიშით 1:1 დასრულდა. დამატებით დროში არგენტინელები კვლავ წინ გავიდნენ. 92-ე წუთზე ლისანდრო მარტინესმა გოლი გაიტანა და ანგარიში 2:1 არგენტინის სასარგებლოდ გახდა.

მატჩის 103-ე წუთზე სიდნი ლოპეს კაბრალმა ულამაზესი დარტყმით, მეკარისგან შორეულ კუთხეში გოლი შეაგდო და ანგარიში კვლავ გაათანაბრა. თამაშის 111-ე წუთზე კაბო-ვერდელმა დინეი ბორჟესმა გოლი საკუთარ კარში გაიტანა და საბოლოო ანგარიში 3:2 არგენტინელთა სასარგებლოდ დააფიქსირა.

არგენტინის ეროვნული ნაკრების მეტოქე 1/8 ფინალში ეგვიპტის გუნდი იქნება.