ირაკლი ღარიბაშვილი სამართლებრივ ბრძოლას აპირებს - ადვოკატი

ირაკლი ღარიბაშვილის კიდევ ერთი ადვოკატი ლილი გელაშვილი აცხადებს, რომ მისი დაცვის ქვეშ მყოფი ბრალს არ აღირებეს და სამართლებრივ ბრძოლას გეგმავს. ამის შესახებ მან ღარიბაშვილთან ვიზიტის შემდეგ ჟურნალისტებს განუცხადა.

„ირაკლი ღარიბაშვილი წარდგენილ ბრალს არ აღიარებს და მან ხელიც არ მოაწერა წარდგენილ ბრალს. აპირებს სამართლებრივ ბრძოლას.

მისი წერილების გამოქვეყნების შემდეგ, გაიჟღერა ფრაზამ, თითქოს ეს წერილი იყო აბსურდი და სიმართლეს არ შეესაბამებოდა, ის რაც დღეს ხდება, ივლისში გამოგზავნილ წერილში შინაარსობრივად რომ წერია, რომ ჩვენ ამას გავაკეთებთ და დღეს სწორედ ეს ხდება, საზოგადოებასთან მაქვს კითხვა - კიდევ ვინმეს ეპარება ეჭვი, რომ ირაკლი ღარიბაშვილის დღეს წარდგენილი ბრალი შეთითხნილია და არ შეესაბამება სიმართლეს.

მან [ირაკლი ღარიბაშვილმა] განაცხადა, რომ მის მიმართ წარდგენილი ბრალი არის აბსურდი, ამის შესახებ მისთვის ცნობილი გახდა და მიხვდა, რომ ამგვარ რაღაცას უმზადებდნენ და წერილი მან გამოაქვეყნა. შესაბამისად, მისი ცალსახა პოზიციაა, რომ ეს არის პოლიტიკური დევნა მის მიმართ“, - განაცხადა მისმა ადვოკატმა.