არიანა გრანდე შეყვარებულს დაშორდა💔

ამერიკელი მომღერალი თავის შეყვარებულს, მსახიობ ითან სლეიტერს დაშორდა.

მედიის ცნობით, წყვილი უკვე რამდენიმე თვეა აღარ არის ერთად. წყაროები ამტკიცებენ, რომ გრანდე და სლეიტერი მეგობრებად დარჩნენ და ერთმანეთს მხარს უჭერენ. რამდენიმე დღის წინ გრანდემ თავისი საკონცერტო ტური Eternal Sunshine დაიწყო. ეს მისი პირველი გასტროლებია 2019 წლიდან. დაშორებასთან დაკავშირებით მომღერალს კომენტარი ჯერ არ გაუკეთებია.

გრანდემ და სლეიტერმა, ერთმანეთი 2023 წელს, მიუზიკლ „ბოროტის“ გადასაღებ მოედანზე გაიცნეს. იმ დროისთვის ორივე ქორწინებაში იმყოფებოდა: გრანდე დალტონ გომესზე იყო დაქორწინებული, სლეიტერი კი ლილი ჯეიზე, რომელმაც ცოტა ხნით ადრე მისგან ვაჟი გააჩინა. არტისტების რომანის შესახებ ცნობილი მას შემდეგ გახდა, რაც მომღერალმა გომესთან განქორწინებაზე ოფიციალურად შეიტანა განაცხადი. დაახლოებით იმავე პერიოდში მეუღლეს​ სლეიტერიც დაშორდა. ხმების თანახმად, ლილი ბოლო მომენტამდე ვერაფერს ხვდებოდა და ქმრის საქციელით შოკირებული იყო.