აშშ-ირანის ურთიერთგაგების მემორანდუმი: ირანის ისლამური რესპუბლიკა ადასტურებს, რომ იგი არ შეიძენს და არ შექმნის ბირთვულ იარაღს

ირანის ისლამური რესპუბლიკა ადასტურებს, რომ იგი არ შეიძენს და არ შექმნის ბირთვულ იარაღს, - ნათქვამია აშშ-ირანის ურთიერთგაგების მემორანდუმში, რომლის ოფიციალურ ტექსტს ტელეკომპანია CNN-ი ავრცელებს.

„ამერიკის შეერთებული შტატები და ირანის ისლამური რესპუბლიკა თანხმდებიან, გადაწყვიტონ გამდიდრებული მასალის დაგროვილი მარაგების განკარგვის საკითხი იმ მექანიზმის საფუძველზე, რომელიც ორმხრივად იქნება შეთანხმებული მეშვიდე პუნქტში მითითებული განრიგის შესაბამისად, სადაც მინიმალურ მეთოდოლოგიად განისაზღვრება მასალის ადგილზე გაზავება ატომური ენერგიის საერთაშორისო სააგენტოს ზედამხედველობით“, - აღნიშნულია დოკუმენტში.

„ორივე მხარე ასევე შეთანხმდა, რომ განიხილავენ გამდიდრების საკითხს და სხვა ურთიერთშეთანხმებულ საკითხებს, რომლებიც ეხება ირანის ისლამური რესპუბლიკის ბირთვულ საჭიროებებს, საბოლოო შეთანხმებაში მისაღწევ დამაკმაყოფილებელ ჩარჩოზე დაყრდნობით. საბოლოო შეთანხმება დაადასტურებს ამ პარაგრაფის დებულებებს. ამერიკის შეერთებული შტატები და ირანის ისლამური რესპუბლიკა აღიარებენ ზემოაღნიშნული ბირთვული საკითხების კრიტიკულ მნიშვნელობას. ისინი გამოხატავენ მზადყოფნას, დაუყოვნებლივ განიხილონ ეს საკითხები მოლაპარაკებებში, რათა მათზე ურთიერთშეთანხმებას მიაღწიონ“, - ნათქვამია მემორანდუმში.

აშშ-ირანის ურთიერთგაგების მემორანდუმის სრული ტექსტი