აშშ-ის ცენტრალური სარდლობა ჰორმუზის სრუტეში ირანული დრონების ჩამოგდების შესახებ იუწყება

აშშ-ის შეიარაღებული ძალების ცენტრალურმა სარდლობამ (CENTCOM) სოციალურ ქსელ X-ში გაავრცელა ინფორმაცია, რომლის თანახმადაც, წუხელ ირანმა რამდენიმე დრონი გაუშვა, რათა ჰორმუზის სრუტეში მყოფ რამდენიმე სავაჭრო გემზე თავდასხმა მოეწყო.

როგორც ცენტრალური სარდლობა იუწყება, ყველა ირანული დრონის ჩამოგდება მოხერხდა.

„ირანმა რამდენიმე დამრტყმელი დრონი გაუშვა და ჰორმუზის სრუტეში მოძრავ სავაჭრო გემებზე თავდასხმა სცადა. აშშ-ის შეიარაღებულმა ძალებმა უკანასკნელ საათებში გაშვებული ყველა დრონი ჩამოაგდო, გემები ჰორმუზის სრუტის გავლით შეუფერხებლად მოძრაობენ. საერთაშორისო სავაჭრო დერეფანი ტრანზიტისთვის ღია რჩება“, - აღნიშნულია ცენტრალური სარდლობის მიერ გავრცელებულ ინფორმაციაში.

Iran launched multiple one-way attack drones in an attempt to strike commercial ships transiting the Strait of Hormuz. U.S. forces have downed all of them in recent hours as traffic flow through the strait continues unimpeded. The international trade corridor remains open for… — U.S. Central Command (@CENTCOM) June 13, 2026