აშშ-ის ცენტრალური სარდლობა ჰორმუზის სრუტისკენ გაშვებული ოთხი ირანული დრონის ჩამოგდებისა და რადიოლოკაციური სადგურების დაბომბვის შესახებ იუწყება

აშშ-ის შეიარაღებული ძალების ცენტრალური სარდლობის (CENTCOM) ინფორმაციით, გვიან ღამით მათ ჰორმუზის სრუტის მიმართულებით გაშვებული ოთხი ირანული დრონის ჩამოგდება შეძლეს.

„აღნიშნული უპილოტო საფრენი აპარატები რეგიონულ საზღვაო მიმოსვლას უშუალო საფრთხეს უქმნიდნენ“, - აღნიშნულია ცენტრალური სარდლობის მიერ გავრცელებულ ინფორმაციაში.

გარდა ამისა, ამერიკელმა სამხედროებმა ირანის ქალაქ გორუკსა და ქეშმის კუნძულზე განლაგებული რადიოლოკაციური სადგურებიც დაბომბეს.

„ამერიკის შეიარაღებული ძალები სიფხიზლეს ინარჩუნებენ და მზად არიან თავდაცვის მიზნით ირანის გაუმართლებელ აგრესიას უპასუხონ“, - დასძინეს ცენტრალურ სარდლობაში.

Moments ago, CENTCOM forces shot down four Iranian one-way attack drones that were launched toward the Strait of Hormuz. The attack drones posed an immediate threat to regional maritime traffic. U.S. forces subsequently struck Iranian coastal surveillance radar sites in Goruk and… — U.S. Central Command (@CENTCOM) June 5, 2026