აშშ-ის ცენტრალური სარდლობა: ირანმა 27 მაისს ქუვეითის მიმართულებით ბალისტიკური რაკეტა გაუშვა, რითაც ცეცხლის შეწყვეტის რეჟიმი დაარღვია
აშშ-ის შეიარაღებული ძალების ცენტრალური სარდლობა (CENTCOM) ირანს ცეცხლის შეწყვეტის რეჟიმის დარღვევაში ადანაშაულებს.
კერძოდ, ამერიკული მხარის მტკიცებით, 27 მაისს ირანმა ქუვეითის მიმართულებით ბალისტიკური რაკეტა გაუშვა, რომელიც ქუვეითის ჰაერსაწინააღმდეგო სისტემამ ჩამოაგდო.
მანამდე, როგორც ცენტრალური სარდლობა იუწყება, ირანმა ხუთი უპილოტო საფრენი აპარატი ააფრინა, რითაც ჰორმუზის სრუტის მიმდებარე ტერიტორიას საფრთხე შეუქმნა.
ამერიკულმა ძალებმა ყველა უპილოტო საფრენი აპარატი ჩამოაგდეს და მეექვსე დრონის გაშვება ბანდარ-აბასის პორტიდან შეაჩერეს.
„აშშ-ის ცენტრალური სარდლობა და რეგიონული პარტნიორები ინარჩუნებენ სიფხიზლესა და სიფრთხილეს და ჩვენი ძალებისა და ინტერესების დაცვას გაუმართლებელი ირანული აგრესიისგან განაგრძობენ“, - აღნიშნულია ცენტრალური სარდლობის განცხადებაში.
იმედი
წყარო: imedinews.ge