აშშ-ის ცენტრალურმა სარდლობამ ირანზე მასშტაბური დარტყმები განახორციელა, რითაც თეირანს კომერციულ გემებზე თავდასხმების გამო პასუხი გასცა

ამერიკის შეერთებული შტატების ცენტრალურმა სარდლობამ (CENTCOM) ოფიციალურად დაადასტურა ირანის მიმართულებით მასშტაბური სამხედრო ოპერაციის დაწყება. საპასუხო ზომები მიზნად ისახავს ირანის მიერ საერთაშორისო წყლებში სამოქალაქო გემების წინააღმდეგ განხორციელებული აგრესიისთვის „მძიმე საფასურის“ დაკისრებას.

ოფიციალური ვაშინგტონის განცხადებით, საჰაერო დარტყმები გახდა პასუხი ჰორმუზის სრუტეში ირანის მიერ სამი კომერციული გემის წინააღმდეგ მიზანმიმართულ თავდასხმაზე. აშშ-ის სამხედრო უწყება ხაზს უსვამს, რომ გემების ეკიპაჟები მშვიდობიანი მოქალაქეებისგან შედგებოდა.

„ირანის მხრიდან გამოვლენილი აგრესია იყო დაუსაბუთებელი, სახიფათო და ცეცხლის შეწყვეტის შესახებ შეთანხმების აშკარა დარღვევა“, - ნათქვამია სარდლობის განცხადებაში.

აშშ-ის ცენტრალური სარდლობის ცნობით, დარტყმები მიმართულია იმ საფრთხეების განეიტრალებისკენ, რომლებიც რეგიონში სავაჭრო გზების უსაფრთხოებას ემუქრება. ვაშინგტონი კვლავ მოუწოდებს თეირანს, შეწყვიტოს მსგავსი პროვოკაციული ქმედებები, რომლებიც რეგიონში ესკალაციის რისკს ზრდის.