აშშ-ისა და კანადის ვიზებზე ყალბი ოფიციალური დოკუმენტების დამზადება-გასაღების ფაქტებზე ხუთ ბრალდებულს აღკვეთის ღონისძიებად პატიმრობა შეეფარდა, კიდევ ოთხი ბრალდებულისთვის აღკვეთის ღონისძიების შეფარდებაზე სასამართლო დღეს იმსჯელებს

ამერიკის შეერთებული შტატებისა და კანადის ვიზებზე ყალბი ოფიციალური დოკუმენტების დამზადება-გასაღების ფაქტებზე ბრალდებულთაგან ხუთს აღკვეთის ღონისძიებად პატიმრობა შეეფარდა. საქმეზე კიდევ ოთხი ბრალდებულისთვის აღკვეთის ღონისძიების შეფარდების საკითხზე სასამართლო დღეს იმსჯელებს.

„ჩემი დაცვის ქვეშ მყოფი სრულად აღიარებს ბრალად წარდგენილ ქმედებას. იგი თავს ცნობს დამნაშავედ, მან ითანამშრომლა გამოძიებასთან, მიაწოდა მის ხელთ არსებული სრული ინფორმაცია“, - განაცხადა ერთ-ერთო ბრალდებულის ადვოკატმა დათა კუპრავამ.

„გამოიკითხნენ მოწმეები, მოხდა იმ პირებთან დაკავშირება, რომლებიც არიან უშუალოდ დაზარალებულები სისხლის სამართლის საქმეზე. ასევე გამოთხოვილია ბრალდებულების ანგარიშები, სადაც ფიქსირდება მოქალაქეთა მხრიდან მათთვის ანაზღაურების სახით ჩარიცხული თანხები. შესაბამისად, დადგინდა კონკრეტული პირების ვინაობა“, - განაცხადა პროკურორმა მარიამ გიგაურმა.

საქართველოს პროკურატურის და ამერიკის შეერთებული შტატების საელჩოს რეგიონული უსაფრთხოების სამსახურის მიერ ერთობლივად ჩატარებული ღონისძიების შედეგად გამოვლენილია ორი ორგანიზებული დანაშაულებრივი ჯგუფი გამოვლინდა.

გახსნილ ორგანიზებულ დანაშაულებზე საქართველომ მადლობა შეერთებული შტატებისგან მალევე მიიღო.