აშშ-მა წყნარ ოკეანეში ნარკოტიკების გადამზიდავი გემი დაბომბა

აშშ-ის შეიარაღებული ძალების სამხრეთ სარდლობის ინფორმაციით, მათ წყნარი ოკეანის აღმოსავლეთ ნაწილში გემი დაბომბეს, რომელსაც ნარკოტიკები გადაჰქონდა.

„დაზვერვამ დაადასტურა, რომ გემი წყნარი ოკეანის აღმოსავლეთ ნაწილში კონტრაბანდის ცნობილი მარშრუტით გადაადგილდებოდა და ნარკოტრაფიკისთვის გამოიყენებოდა“, - აღნიშნულია სამხრეთ სარდლობის მიერ გავრცელებულ ინფორმაციაში.

დაბომბვის შედეგად გემზე მყოფი ორი ადამიანი გარდაიცვალა, ხოლო ერთი გადარჩა. სამხრეთ სარდლობამ აშშ-ის სანაპირო დაცვას სამძებრო-სამაშველო ოპერაციის დაწყების შესახებ შეატყობინა.

სამხედრო ოპერაციის წარმოებისას არცერთი ამერიკელი სამხედრო არ დაშავებულა.

On May 8, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known narco-trafficking… pic.twitter.com/YFLQNZufRx — U.S. Southern Command (@Southcom) May 9, 2026