ათენის დიასპორის საზოგადოებრივი ცენტრის ხელმძღვანელის, ნანა თევდორაძის პროექტის „მოუსმინე შენი ქალაქის ემიგრანტს“ ფარგლებში, ახალციხის მუნიციპალიტეტის მერს ვარლამ წიკლაურს და ათენში მცხოვრები ქართველ ემიგრანტებს შორის ონლაინ შეხვედრა გაიმართა

ათენის დიასპორის საზოგადოებრივი ცენტრის ხელმძღვანელის, ნანა თევდორაძის პროექტის „მოუსმინე შენი ქალაქის ემიგრანტს“ ფარგლებში, ახალციხის მუნიციპალიტეტის მერს ვარლამ წიკლაურს და ათენში მცხოვრები ქართველ ემიგრანტებს შორის ონლაინ შეხვედრა გაიმართა, - ინფორმაციას ახალციხის მუნიციპალიტეტის მერია ავრცელებს.

უწყების ცნობით, ემიგრანტებმა ახალციხის მერთან კითხვა-პასუხის რეჟიმში ისაუბრეს ახალციხეში განხორციელებულ, მიმდინარე და დაგეგმილი პროექტების შესახებ.

„ემიგრანტების მხრიდან ყურადღება გამახვილდა მუნიციპალიტეტის მერის აქტიურ საქმიანობაზე . გამოითქვა სურვილი ახალციხის და ერთ-ერთი ბერძნული ქალაქის დამეგობრების და ამ ფორმატში საბერძნეთის დედაქალაქში ახალციხის დღის აღნიშვნის და ზოგადად რეგიონის კულტურული და ტურისტული პოტენციალის პოპულარიზაციის შესახებ. მუნიციპალიტეტის მერმა ვარლამ წიკლაურმა მზაობა გამოხატა ქართულ დიასპორასთან აქტიური თანამშრომლობის და რეგიონის ტურისტული პოპულარიზაციისთვის ერთობლივი ინიციატივების განხორციელების მხარდაჭერის.

პროექტის ხელმძღვანელმა ნანა თევდორაძემ მერს ემიგრანტების სახელით მადლობა გადაუხადა ახალციხელი ემიგრანტების მიმართ გამოჩენილი ყურადღებისა და მათი სურვილის მხარდაჭერისთვის ონლაინ შეხვედროდნენ საკუთარი ქალაქის მერს და ესაუბრათ მათთვის საინტერესო საკითხებზე.

შეხვედრას საბერძნეთის რესპუბლიკაში საქართველოს საელჩოს უფროსი მრჩეველი დავით კორძაძე, ახალციხის მერიის კულტურის სამსახურის უფროსი მარიკა გოგოლაძე და მერიის ჯანდაცვის სამსახურის უფროსი ნინო მიქაბერიძე ესწრებოდნენ“, - აღნიშნულია გავრცელებულ ინფორმაციაში.