აზერბაიჯანის საგარეო საქმეთა მინისტრი: აზერბაიჯანი და საქართველო ვმუშაობთ კოორდინირებულად და ვცდილობთ გადავდგათ ნაბიჯები, რომ ეს მჭიდრო თანამშრომლობა და ურთიერთობა ახალ დონეზე ავიყვანოთ

აზერბაიჯანი და საქართველო ვმუშაობთ კოორდინირებულად და ვცდილობთ გადავდგათ ნაბიჯები, რომ ეს მჭიდრო თანამშრომლობა და ურთიერთობა ახალ დონეზე ავიყვანოთ, - განაცხადა აზერბაიჯანის საგარეო საქმეთა მინისტრმა, ჯეიჰუნ ბაირამოვმა სტამბოლში საქართველოს, თურქეთისა და აზერბაიჯანის საგარეო საქმეთა მინისტრების რიგით მეათე სამმხრივი შეხვედრის დასრულების შემდეგ გამართულ პრესკონფერენციაზე.

„მინდა ჩემს კოლეგებს დიდი მადლობა გადავუხადო ვაშინგტონში გამართულ სამიტზე აზერბაიჯანის მხარდაჭერისათვის, რომელმაც პოზიტიური შედეგები გამოიღო და მშვიდობა მოიტანა სომხეთსა და აზერბაიჯანს შორის. ჩვენ მოვახერხეთ მიგვეღწია მდგრადი მშვიდობისთვის და ეს ყველაფერი შეიძლება განვიხილოთ, როგორც საკმაოდ პოზიტიური ცვლილებები“, - აღნიშნა მინისტრმა.