BBC უკრაინაში მობილიზაციაზე: სიკვდილის ყველას ეშინია

„სიკვდილის ყველას ეშინია“ - ამ სათაურით BBC უკრაინაში მობილიზაციის შესახებ წერს. გამოცემა აღნიშნავს რომ ჯარისკაცების ფრონტზე გაწვევა ძალადობრივი პროცესია.

უკრაინელები ჟურნალისტებს უყვებიან, რომ სამხედრო კომისარიატის წარმომადგენლების მიერ კაცების დაკავება ხშირად ფიზიკური დაპირისპირების ფონზე მიმდინარეობს.

„ეროვნული პოლიციის სამსახურის უახლეს ანგარიშში დღეის მდგომარეობით სამხედრო გაწვევის ოფიცრებზე თავდასხმის 600-ზე მეტი შემთხვევაა დაფიქსირებული და მასში გაჟღერებულია გაფრთხილება, რომ ეს აგრესია „სულ უფრო მეტად მუქარის შემცველი“ ხდება“, - აღნიშნულია პუბლიკაციაში.

BBC წერს, რომ ხანგრძლივი ომისა და არმიაში ადამიანური რესურსების ნაკლებობის ფონზე უკრაინელი კაცები ფრონტზე წასვლას თავს არიდებენ და მოხალისეთა რაოდენობა მკვეთრად მცირდება.