ბექა გოცირიძეზე ჯგუფურად ძალადობის ბრალდებით დაკავებულებს - თორნიკე თოშხუას და მინდია შერვაშიძეს სააპელაციო სასამართლომ სასჯელი შეუმცირა

ბექა გოცირიძეზე ჯგუფურად ძალადობის ბრალდებით დაკავებულებს - თორნიკე თოშხუას და მინდია შერვაშიძეს სააპელაციო სასამართლომ სასჯელი შეუმცირა. თორნიკე თოშხუა სასამართლო დარბაზიდან გათავისუფლდა, მინდია შერვაშიძემ კი, ვინაიდან პროცესს არ ესწრებოდა, საპატიმრო გუშინ საღამოს დატოვა.

მინდია შერვაშიძის მიერ პენიტენციურ დაწესებულებაში განხორციელდა გადაძახილი, რაც ადმინისტრაციულ სამართალდარღვევას წარმოადგენს. შედგა სამართალდარღვევის ოქმი, თუმცა შერვაშიძემ ხელის მოწერაზე უარი განაცხადა.

ცნობისათვის, თოშხუა და შერვაშიძე 2025 წლის 16 აგვისტოს დააკავეს ბექა გოცირიძეზე ჯგუფურად ძალადობის ბრალდებით. მათ 1 წლით პატიმრობა პირველ აპრილს მიესაჯათ. გათავისუფლების გადაწყვეტილება სააპელაციო სასამართლომ მიიღო.

ადვოკატის ინფორმაციით, მოსამართლემ მსჯავრდებულები კვლავ დამნაშავედ ცნო, თუმცა სასჯელის ვადა შეუმცირა.