Bloomberg: არაბთა გაერთიანებული საამიროები სპარსეთის ყურის ქვეყნებს სთხოვდა, რომ ირანზე თავდასხმა განეხორციელებინათ, თუმცა უარი მიიღო

არაბთა გაერთიანებული საამიროები სპარსეთის ყურის ქვეყნების დარწმუნებას ცდილობდა იმაში, რათა მათ ირანზე სამხედრო თავდასხმა განეხორციელებინათ, თუმცა უარი მიიღო. ინფორმაციას Bloomberg-ი ავრცელებს.

სააგენტოს ცნობით, არაბთა გაერთიანებული საამიროების პრეზიდენტმა, შეიხ მოჰამედ ბინ ზაიედ ალ ნაჰიანმა სპარსეთის ყურის სხვადასხვა ქვეყნების ლიდერებთან რამდენიმე სატელეფონო საუბარი გამართა, მათ შორის საუდის არაბეთის მემკვიდრე პრინცთან, მოჰამად ბინ სალმანთან.

მას შემდეგ, რაც ირანმა არაბულ ქვეყნებს შეუტია და ჰორმუზის სრუტე გადაკეტა, არაბთა გაერთიანებული საამიროების პრეზიდენტი ამბობდა, რომ საჭირო იყო კოლექტიური პასუხის გაცემა, თუმცა მისმა კოლეგებმა მას განუცხადეს, რომ ეს „მათი ომი არ იყო“, წერს სააგენტო.

ამის გამო, როგორც Bloomberg-ი იუწყება, არაბთა გაერთიანებული საამიროებისა და საუდის არაბეთის ისედაც რთული ურთიერთობები უფრო გაუარესდა. მოგვიანებით არაბთა გაერთიანებული საამიროებმა ირანს მარტო დაესხა თავს და OPEC-იდანაც გავიდა.

Bloomberg-ი აღნიშნავს, რომ თავდაპირველად საუდის არაბეთიც ბომბავდა ირანს, თუმცა მერე ერ-რიადმა პაკისტანს სთხოვა სამშვიდობო მოლაპარაკებებში შუამავლობა გაეწია.

ირანზე თავდასხმის განხორციელებას კატარიც გეგმავდა მას შემდეგ, რაც მარტში ისლამურმა რესპუბლიკამ მსოფლიოში თხევადი გაზის უმსხვილესი საწარმო დაბომბა. საბოლოოდ, დოჰამ ასეთ ნაბიჯზე უარი განაცხადა.