Bloomberg: აშშ უკრაინას მოუწოდებს ბელარუსის სასუქზე დაწესებული შეზღუდვები შეამსუბუქოს
აშშ უკრაინას მოუწოდებს შეამსუბუქოს ბელორუსულ კალიუმის სასუქზე დაწესებული სანქციები და ზეწოლა მოახდინოს ევროპელ მოკავშირეებზე, რათა მათაც იგივე გააკეთონ. ინფორმაციას Bloomberg-ი რამდენიმე წყაროზე დაყრდნობით ავრცელებს.
სააგენტოს ცნობით, კალიუმის სასუქზე დაწესებული შეზღუდვების მოხსნა ბელარუსს რუსეთისგან დისტანცირების საშუალებას მისცემს და მინსკთან ურთიერთობების გაუმჯობესების შანსს გააჩენს.
კალიუმი სასუქის საკვანძო კომპონენტია. ბელარუსი, რომელიც საბჭოთა კავშირის ყოფილი რესპუბლიკაა, მსოფლიოში სასუქის უმსხვილესი მწარმოებელია.
როგორც Bloomberg-ი აღნიშნავს, აშშ-მა და ევროკავშირმა 2020 წელს გამართული საკამათო საპრეზიდენტო არჩევნების შემდეგ, როცა მინსკმა საპროტესტო აქციები ძალის გამოყენებით დაარბია, ბელარუსის წინააღმდეგ ფართომასშტაბიანი სანქციები შემოიღეს.
იმედი
წყარო: imedinews.ge