Bloomberg: იტალია და საფრანგეთი ბრიუსელის ინიციატივას ყოფილი რუსი სამხედროებისთვის ევროკავშირში შესვლაზე აკრძალვის დაწესების შესახებ ეწინააღმდეგებიან

იტალია და საფრანგეთი მხარს არ უჭერენ ევროკავშირის ინიციატივას ყოფილი რუსი სამხედროებისთვის ევროკავშირის ტერიტორიაზე შესვლაზე აკრძალვის დაწესების შესახებ. ინფორმაციას Bloomberg-ი რამდენიმე წყაროზე დაყრდნობით ავრცელებს.

სააგენტოს ცნობით, აღნიშნული ინიციატივა რუსეთის წინააღმდეგ ევროკავშირის მიერ მომზადებულ სანქციათა 21-ე პაკეტშია შესული. ახალი პაკეტის განხილვას წევრი სახელმწიფოები უახლოეს მომავალში განიხილავენ.

როგორც Bloomberg-ი იუწყება, რომი და პარიზი ყოფილი რუსი სამხედროებისთვის აკრძალვის დაწესებას არ ეწინააღმდეგებიან, თუმცა შიშობენ, რომ წინადადების არსებული რედაქცია რუსეთის პრაქტიკულად ყველა მოქალაქეს დაუწესებს აკრძალვას.

გარდა ამისა, ორივე ქვეყანა ფიქრობს, რომ ასეთი შეზღუდვები სავიზო პოლიტიკით უნდა რეგულირდებოდეს, და არა სასანქციო რეჟიმით.