ბორის პისტორიუსის განცხადებით, უკრაინას „ტაურუსის“ ტიპის რაკეტები ამ ეტაპზე არ სჭირდება

გერმანიის თავდაცვის მინისტრი, უკრაინისთვის „ტაურუსის“ ტიპის ფრთოსანი რაკეტების მიწოდებას ამ ეტაპზე საჭიროდ არ მიიჩნევს. როგორც ბორის პისტორიუსმა განმარტა, უკრაინული ძალები ეფექტურად უტევენ რუსეთის სამხედრო და ენერგეტიკულ ინფრასტრუქტურას უპილოტო საფრენი აპარატების გამოყენებით. სწორედ ამიტომ, უკრაინას ამ დროისთვის რაკეტები არ სჭირდება.

„ვითარება ჯერ არასდროს ყოფილა ისეთი კარგად, როგორც ახლა. ბრძოლის ველზე გადაადგილება თითქმის არ შეინიშნება. ხანდახან რამდენიმე კილომეტრი ერთი მიმართულებით, ხანდახან მეორე მიმართულებით, მაგრამ ყოველთვის რუსეთის შეიარაღებული ძალების უზარმაზარი დანაკარგების ფასად. და რაც ყველაზე მთავარია, უკრაინა სულ უფრო ხშირად ახერხებს რუსეთის ტერიტორიაზე არსებული სამიზნეების განადგურებას, რითაც ნავთობგადამამუშავებელ ქარხნებსა და სამხედრო ლოგისტიკას სპობს“, - განმარტა მინისტრმა.