ბულგარეთის პარლამენტმა ახალი მთავრობა დაამტკიცა. მინისტრთა კაბინეტს რუმენ რადევი უხელძღვანელებს

ბულგარეთის პარლამენტმა ხმათა უმრავლესობით ქვეყნის ახალი მთავრობა დაამტკიცა. ინფორმაციას ბულგარული მედია ავრცელებს.

პრემიერ-მინისტრის თანამდებობა 19 აპრილს საპარლამენტო არჩევნებში გამარჯვებული პარტია „პროგრესული ბულგარეთის“ ლიდერმა, ყოფილმა პრეზიდენტმა, რუმენ რადევმა დაიკავა.

ახალ მთავრობას რუმენ რადევის ხელმძღვანელობით 124-მა დეპუტატმა დაუჭირა მხარი, 70 წინააღმდეგი იყო, ხოლო 36-მა თავი შეიკავა.

მას შემდეგ, რაც პარლამენტმა ახალ მთავრობას ნდობა გამოუცხადა, კაბინეტის წევრებმა საკანონმდებლო ორგანოში ფიცი დადეს.

ბულგარეთის საგარეო საქმეთა მინისტრის თანამდებობა ველისლავა პეტროვა-ჩამოვამ დაიკავა, ხოლო თავდაცვის მინისტრი დიმიტარ სტოიანოვი გახდა.