ჩინეთის ერთ-ერთ აეროპორტში მიუსაფარი კატებისთვის „თაგვებთან ბრძოლის დეპარტამენტი“ შექმნეს

ლანჟოუს საერთაშორისო აეროპორტმა მიუსაფარი კატები შეიფარა და მათთვის სპეციალურად „თაგვებთან ბრძოლის დეპარტამენტი“ შექმნა.

ადგილობრივი მედიის ცნობით, ახლა აეროპორტში ცხოვრობენ ხვადი კატა სანბაო, ძუ კატა ცუიჰუა და მათი შვილი ცუიგო. ფუმფულა მამა „თაგვებთან ბრძოლის დეპარტამენტის“ დირექტორად დაინიშნა, ხოლო დედა-კატა დირექტორის მოადგილედ.

დეპარტამენტის თანამშრომლები გეითების მახლობლად, მინის სახლში დაასახლეს. საცხოვრებელი აღჭურვილია სუფთა ჰაერის მიწოდების სისტემით, ჯამებითა და წყლის დისპენსერით, საწოლებითა და სათამაშო კომპლექსით.​

კატებზე აეროპორტის თანამშრომლები ზრუნავენ. კატები მათი მეთვალყურეობით დილის „პატრულირებაზე“ გამოდიან და ტერიტორიაზე თაგვებს ეძებენ. აეროპორტი „თაგვებთან ბრძოლის დეპარტამენტის“ სიახლეებს სოციალურ ქსელებში რეგულარულად აქვეყნებს.