ჩუღურეთის რაიონში ორი სკვერის რეაბილიტაცია მიმდინარეობს
თბილისის მუნიციპალიტეტის მერიის გარემოს დაცვის საქალაქო სამსახური ჩუღურეთის რაიონში ორი სივრცის რეაბილიტაციას ახორციელებს.
პროექტების შესახებ ინფორმაცია საზოგადოებას თბილისის მერმა კახა კალაძემ დღეს დედაქალაქის მთავრობის სხდომაზე მიაწოდა.
„პარკებისა და რეკრეაციული სივრცეების არსებობა ჩვენთვის ძალიან მნიშვნელოვანია. ბოლო წლებში ბევრი კარგი პროექტი განვახორციელეთ. ეს ტენდენცია გრძელდება. ამჯერად, სამუშაოები დავით აღმაშენებლის გამზირის N46-ის მიმდებარედ და ჩიტაიას ქუჩაზე მდებარე სკვერებში მიმდინარეობს. პროექტის ფარგლებში, მოეწყობა საფეხმავლო ბილიკები, სრულად განახლდება ამორტიზებული საბაღო ინვენტარი და განთავსდება სასმელი წყლის შადრევნები“, - განაცხადა თბილისის მერმა.
მისივე თქმით, განსაკუთრებული ყურადღება დაეთმობა გამწვანების სამუშაოებს - ტერიტორიაზე დაირგვება ხე-მცენარეები და დაიგება რულონური ბალახი.
ამასთან, როგორც მერმა აღნიშნა, ჩიტაიას ქუჩაზე მდებარე სკვერის პროექტი ასევე ითვალისწინებს საბავშვო მოედნის მოწყობასა და არსებული სპორტული სივრცის განახლებას.
მისივე თქმით, დამატებით განხორციელდება შადრევნის სარეაბილიტაციო სამუშაოებიც.
იმედი
წყარო: imedinews.ge