CNN: თეთრ სახლთან ათობით გასროლის ხმა გაისმა

თეთრი სახლის მიმდებარედ ათობით გასროლის ხმა გაისმა. ინფორმაციას ამის შესახებ ტელეკომპანია CNN-ი ავრცელებს.

ინციდენტის გამო თეთრი სახლის ტერიტორია სრულად ჩაიკეტა, ადგილზე კი საიდუმლო სამსახურის თანამშრომლები არიან მობილიზებულნი.

საიდუმლო სამსახურის ოფიციალურმა წარმომადგენელმა CNN-ს დაუდასტურა, რომ უწყება აქტიურად იძიებს ინფორმაციას სროლის შესახებ, რომელიც მე-17 ქუჩისა და პენსილვანიის ავენიუს კვეთაზე - უშუალოდ თეთრი სახლის კომპლექსის მიმდებარედ მოხდა.

თეთრი სახლის ტერიტორიაზე მყოფი მედიის წარმომადგენლები უსაფრთხოების თანამშრომლებმა სასწრაფოდ პრესბრიფინგების ოთახში შეიყვანეს.

ამ დროისთვის დამატებითი დეტალები დაშავებულებისა თუ ეჭვმიტანილის შესახებ უცნობია.

TWITTER POST