დანიაში აქციის დასაშლელად პოლიციამ ხელკეტები გამოიყენა. ვრცელდება ვიდეოც, სადაც პოლიცია მედიის წარმომადგენელსაც გაუსწორდა ფიზიკურად
იმედი|imedinews.ge
პალესტინის მომხრე აქტივისტებმა კოპენჰაგენში, დანიური გადამზიდი გიგანტის „მაერსკის“ სათაო ოფისთან ბლოკადა მოაწყვეს და გააპროტესტეს კომპანიის გემებით ისრაელისთვის იარაღის გადაზიდვა.
ბლოკადის დასაშლელად პოლიციამ ხელკეტები გამოიყენა. ვრცელდება ვიდეოც, სადაც პოლიცია მედიის წარმომადგენელსაც გაუსწორდა ფიზიკურად. ინციდენტს არაერთგვაროვანი გამოხმაურებები მოჰყვა მედიასა და საზოგადოებაში: აქტივისტებმა პოლიცია ძალის გადამეტებაში დაადანაშაულეს, თუმცა პოლიციამ კრიტიკა უარყო და ერთ-ერთი ტელეკომპანიისთვის გაგზავნილ წერილობით პასუხში განაცხადა, რომ ყოველთვის არ არის შესაძლებელი კონკრეტულ სიტუაციაში ადამიანების ადგილიდან უბრალოდ გაყვანა და ასეთ დროს, შესაძლოა საჭირო გახდეს ფიზიკური ძალის გამოყენება.
აქციის დროს 20 ადამიანი დააკავეს.
გაზიარება:
იმედი
წყარო: imedinews.ge