დავით კოდუა: ანაკლია-განმუხურის ხიდზე ხანძარი ლიკვიდირებულია - დაზიანებულ მონაკვეთზე აღდგენითი სამუშაოები დილითვე დაიწყება
იმედი|imedinews.ge
ანაკლია-განმუხურის დამაკავშირებელ საფეხმავლო ხიდზე ხანძარი ლიკვიდირებულია. ამის შესახებ ინფორმაციას ზუგდიდის მერი დავით კოდუა შემთხვევის ადგილიდან ავრცელებს.
„ანაკლია-განმუხურის დამაკავშირებელ საფეხმავლო ხიდზე ხანძარი ლიკვიდირებულია. მადლობა საგანგებო სიტუაციების მართვის სამსახურს სწრაფი რეაგირებისთვის. დამწვარია საფეხმავლო ხიდის ხის საფარის 4 კვადრატული მეტრი, დაზიანებულია მოაჯირის ნაწილი“, - ნათქვამია მერის მიერ გავრცელებულ ინფორმაციაში.
დავით კოდუასვე განცხადებით, ხიდის დაზიანებული ნაწილის აღდგენა დილითვე დაიწყება.
ხანძარის გამომწვევი მიზეზები ჯერ-ჯერობით უცნობია.
გაზიარება:
IM
იმედი
წყარო: imedinews.ge