დეკანოზი შალვა (კეკელია) 17 მაისზე: ჩვენი პატრიარქისთვის პირველი დიდი წირვა იქნება, როგორც საქართველოს კათოლიკოს-პატრიარქი, პირველად აღასრულებს ამ წირვას და ძალიან მნიშვნელოვანია, მთელი ერი იმ დღეს ერთად ვიყოთ

თუ სახელმწიფოში არის მტკიცე და მყარი ოჯახები, მაშინ სახელმწიფო არის მტკიცე და ძლიერი. მისმა უწმინდესობამ ეს ყოველთვის იცოდა, - განაცხადა დეკანოზმა შალვამ.

მისივე თქმით, სახელმწიფო ოჯახებზე დგას და ამიტომ პატრიარქმა, ილია მეორემ ოჯახის სიწმინდის დღის დამკვიდრებაზე ყურადღება გაამახვილა.

„ძალიან მნიშვნელოვანია, ამ დღის აღნიშვნაში მონაწილეობის მიღება - ჩვენი პატრიარქისთვის პირველი დიდი წირვა იქნება, როგორც საქართველოს კათოლიკოს-პატრიარქი, პირველად აღასრულებს ამ წირვას და ძალიან მნიშვნელოვანია, მთელი ერი იმ დღეს ერთად ვიყოთ. მნიშვნელოვანია, რომ ვაჩვენოთ, ჩვენ რა დამოკიდებულება გვაქვს ჩვენს დედაეკლესიასთან, რომელმაც დღევანდელ დღემდე მოგვიყვანა ჩვენი ერი და იდენტობა დგას საქართველოს სამოციქულო ეკლესიაზე“, - აღნიშნა მამა შალვამ.

ოჯახის სიწმინდის დღესთან დაკავშირებით, 17 მაისს ქაშვეთის ტაძრის მიმდებარე ტერიტორიიდან სამების საკათედრო ტაძრამდე მსვლელობა გაიმართება, რის გამოც დედაქალაქის გარკვეულ ქუჩებზე მოძრაობა დროებით შეიზღუდება. მსვლელობა 11:00 საათზე დაიწყება.

17 მაისს, ოჯახის სიწმინდის დღესთან დაკავშირებით, ქაშუეთის ტაძრიდან სამების ტაძრამდე მსვლელობა გაიმართება.