დიმიტრი ხუნდაძე: რადიკალური ოპოზიცია მილევად რეჟიმშია და ეს დაპირისპირებები უკვე წესად იქცა

რადიკალური ოპოზიცია მილევად რეჟიმშია, - განაცხადა საპარლამენტო პოლიტიკური ჯგუფის, „ხალხის ძალის“ თავმჯდომარემ დიმიტრი ხუნდაძემ.

მისივე თქმით, ოპოზიციაში არსებული დაპირისპირებები უკვე წესად იქცა.

„მხოლოდ დესტრუქციაზე არიან ორიენტირებულები, საკუთარ პოლიტიკურ ინტერესებზე და არავითარი საზოგადოებრივი და ქვეყნის წინაშე მდგარი პრობლემები მათ არ აწუხებთ“, - აღნიშნა ხუნდაძემ.

თამარ ჩერგოლეიშვილი და ანა წითლიძე ერთმანეთის პირისპირ - პოსტებითა და განცხადებებით გაჩაღებული დაპირისპირება ოპოზიციაში ყოველდღე მწვავდება. წითლიძე ამტკიცებს, რომ გვარამიამ თანამებრძოლებს მძიმე მომენტში უღალატა. ასევე იხსენებს, რომ წარსულში გვარამია ჩერგოლეიშვილს დასცინოდა. თამარ ჩერგოლეიშვილმა კი სააკაშვილსა და „ნაციონალურ მოძრაობას“ შეურაცხყოფა მიაყენა.