დიმიტრი პესკოვი: პუტინმა კიევზე სამი დღით შეტევის შეჩერების შესახებ ბრძანება გასცა
რუსეთის პრეზიდენტმა ვლადიმერ პუტინმა რუსულ ჯარს უბრძანა კიევის დაბომბვა სამი დღით შეაჩერონ. ინფორმაციას კრემლის პრესმდივანი, დიმიტრი პესკოვი ავრცელებს.
პესკოვის განცხადებით, გუშინ უკრაინულმა მხარემ რუსეთს დროებით ცეცხლის შეწყვეტის წინადადებით მიმართა.
„მართალია, ასეთი წინადადება უკრაინული მხარისგან მივიღეთ. რუსეთის პრეზიდენტმა, უმაღლესმა მთავარსარდალმა პუტინმა გასცა განკარგულება, რომ დღეიდან, შუაღამის შემდეგ, სამი დღის განმავლობაში კიევზე დარტყმები შეჩერდეს“ - განაცხადა პესკოვმა.
პუტინის პრესმდივნის თქმით, ცეცხლის დროებითი შეწყვეტა მოსკოვსა და კიევში აშშ-ის პრეზიდენტის დონალდ ტრამპის სპეციალური წარმომადგენლების, სტივ უიტკოფისა და ჯარედ კუშნერის ვიზიტს უკავშირდება.
ცნობისთვის, უიტკოფი და კუშნერი მოსკოვში დღეს ჩავიდნენ. რუსეთის ხელისუფლების წარმომადგენლებთან მოლაპარაკებების შემდეგ, ისინი კიევში გამგზავრებას გეგმავენ.
იმედი
წყარო: imedinews.ge