დონალდ ტრამპი: გონივრულად იმოქმედეთ, რესპუბლიკელებო. თუ ამას არ გააკეთებთ, ხელისუფლებაში დიდხანს ვერ დავრჩებით

დონალდ ტრამპი რესპუბლიკელებს გონივრული მოქმედებისკენ მოუწოდებს. თეთრი სახლის ლიდერი სოციალურ ქსელში წერს, რომ არჩევნებში დემოკრატების გამარჯვების შემთხვევაში რესპუბლიკური პარტიიდან პრეზიდენტის არჩევა სამუდამოდ შეუძლებელი გახდება. ტრამპის მტკიცებით, დემოკრატიული პარტიის მთავარი მიზანია სენატში საპარლამენტო ბლოკირების, ე.წ. „ფილიბასტერის“ (საპარლამენტო ბლოკირების) წესის გაუქმება და საარჩევნო სისტემის თავიანთ სასარგებლოდ შეცვლა.

„მათ „ფილიბასტერის“ წესის გაუქმება და საარჩევნო სისტემის თავიანთ სასარგებლოდ შეცვლა სურთ. თუ ეს მოხდება, შეუძლებელი იქნება, ოდესმე რესპუბლიკელი გახდეს პრეზიდენტი. მე არ მინდა ვიყო ბოლო რესპუბლიკელი პრეზიდენტი. გონივრულად იმოქმედეთ, რესპუბლიკელებო. თუ ამას არ გააკეთებთ, ხელისუფლებაში დიდხანს ვერ დავრჩებით“, - წერს ტრამპი.