დონალდ ტრამპის განცხადებით, თეირანმა ვაშინგტონთან მიღწეული შეთანხმება 1 საათში დაარღვია
ჩვენ ისინი საშინლად დავბომბეთ, - ასე გამოეხმაურა ირანის სტრატეგიულ ობიექტებზე მიტანილ იერიშებს შეერთებული შტატების პრეზიდენტი, ტელეკომპანია NBC-თან სატელეფონო ინტერვიუში დონალდ ტრამპმა თქვა , რომ შტატებმა და ირანმა გუშინ შეთანხმებას მიაღწიეს, მაგრამ თეირანმა ის „ერთ საათში“ დაარღვია, როდესაც გემის მიმართულებით დრონი გაუშვა, შესაბამისად, ვაშინგტონმა თეირანზე მორიგი იერიში განახორციელა.
„ჩვენ მათთან შეხვედრები გვქონდა, მათ გუშინ შეთანხმებას მიაღწიეს – ჩვენთვის იდეალური შეთანხმება იყო, არანაირი ბირთვული იარაღი, არანაირი ეს, არანაირი ის, არანაირი არაფერი, მათ ყველაფერზე უარი თქვეს – და ამის შემდეგ ისინი ოთახიდან გავიდნენ და ერთ საათში გემისკენ დრონი გაუშვეს. მე ვუთხარი: ხალხო, თქვენ ავად ხართ. გუშინ ღამით ისინი საშინლად დავბომბეთ. ისინი ძალიან, ძალიან ბოროტი და ავადმყოფი ხალხია“, -- განაცხადა ტრამპმა.
იმედი
წყარო: imedinews.ge