ენერგეტიკის საერთაშორისო სააგენტოს ხელმძღვანელი: მსოფლიო უდიდესი ენერგეტიკული და ეკონომიკური გამოწვევის წინაშე დგას

ენერგეტიკის საერთაშორისო სააგენტოს (IEA) აღმასრულებელმა დირექტორმა, ფათიჰ ბიროლმა განაცხადა, რომ ნავთობზე ფასების მკვეთრი ზრდის შემდეგ, გლობალური ეკონომიკა „უმწვავეს ენერგეტიკულ და ეკონომიკურ“ კრიზისში აღმოჩნდა.

ბიროლმა „დიდი სირთულეები“ და „ეკოლოგიური პრობლემები“ იწინასწარმეტყველა, მაშინ როდესაც რეგიონის ლიდერები ენერგიის ალტერნატიული წყაროების მოძიებას დაჩქარებული ტემპით ცდილობენ.

„დაახლოებით ოთხნახევარი თვის წინ ჩვენ ვთქვით, რომ მსოფლიო ისტორიაში ყველაზე დიდი ენერგეტიკული კრიზისის წინაშე დგას“, - განაცხადა ფათიჰ ბიროლმა პარიზში გამართულ პრესკონფერენციაზე.

„ის, რაც ახლა ხდება, აჩვენებს, რომ, სამწუხაროდ, ჩვენ მართლები ვიყავით. ნავთობისა და გაზის ბაზრები დიდ სირთულეებს განიცდის“, - განაცხადა მან.

„მსოფლიო უდიდესი ენერგეტიკული და ეკონომიკური გამოწვევის წინაშე დგას“, - აღნიშნა მან. „ჩვენ დავინახავთ, თუ როგორ აისახება ეს ენერგეტიკული კრიზისი ენერგეტიკულ სექტორსა და გარემოსდაცვით საკითხებზე“.