ერდოღანმა და ფაშინიანმა სატელეფონო საუბრისას თურქეთ-სომხეთის ურთიერთობები განიხილეს
თურქეთის პრეზიდენტმა რეჯეფ თაიფ ერდოღანმა სატელეფონო საუბარი გამართა სომხეთის პრემიერ-მინისტრ ნიკოლ ფაშინიანთან, რა დროსაც მხარეებმა ორმხრივი ურთიერთობების გაუმჯობესების გზები განიხილეს. ინფორმაციას თურქეთის პრეზიდენტის ადმინისტრაცია ავრცელებს.
„პრეზიდენტმა ერდოღანმა განაცხადა, რომ თურქეთსა და სომხეთს შორის ურთიერთობების ნორმალიზება პირდაპირი ვაჭრობისკენ გადადგმული ნაბიჯებით უმჯობესდება. მან ხაზი გაუსვა, რომ თურქეთი ჩვენს რეგიონში მშვიდობისა და სტაბილურობისკენ ისწრაფვის. პრეზიდენტმა ერდოღანმა დასძინა, რომ ჩვენ ყოველთვის დავუჭერთ მხარს ნაბიჯებს, რომლებიც აღნიშნული მიმართულებით გადაიდგმება“, - აღნიშნულია ერდოღანის ადმინისტრაციის მიერ გავრცელებულ განცხადებაში.
ფაშინიანმა, თავის მხრივ, ერდოღანს ყურბან ბაირამი მიულოცა და ორმხრივი ურთიერთობების აღდგენისთვის საჭირო საკითხებს შეეხო, დასძინეს თურქეთის პრეზიდენტის ადმინისტრაციაში.
იმედი
წყარო: imedinews.ge