Euronews: ნატოს მოკავშირეები მომავალ კვირას ანკარაში დაგეგმილი სამიტის საბოლოო დეკლარაციაში კიდევ ერთხელ დაადასტურებენ ალიანსის ხელშეკრულების მე-5 მუხლისადმი თავიანთ ურყევ ერთგულებას

ნატოს მოკავშირეები მომავალ კვირას ანკარაში დაგეგმილი სამიტის საბოლოო დეკლარაციაში კიდევ ერთხელ დაადასტურებენ ალიანსის ხელშეკრულების მე-5 მუხლისადმი თავიანთ ურყევ ერთგულებას და განაცხადებენ, რომ რუსეთი წარმოადგენს „გრძელვადიან საფრთხეს ევროატლანტიკური უსაფრთხოებისა და სტაბილურობისთვის“, - წერს Euronews-ი.

Euronews-ის ხელთ არსებული დოკუმენტის ასლის მიხედვით, „ირანს არასდროს უნდა ჰქონდეს ბირთვული იარაღი“.

დოკუმენტი ასევე ითვალისწინებს უკრაინისთვის 70 მილიარდი ევროს დამატებით მხარდაჭერას, ხოლო 2027 წელს „სულ მცირე, ექვივალენტური დონის“ დახმარების გაწევის ვალდებულებას იღებს.

ეს დეკლარაცია სამიტის საბოლოო ტექსტს წარმოადგენს, რომელიც 32-ვე მოკავშირის, მათ შორის აშშ-ის მონაწილეობით მომზადდა. მიუხედავად იმისა, რომ დოკუმენტი უკვე შეთანხმებულია ელჩების დონეზე, ლიდერებმა მას ხელი 8 ივლისს, სამიტის ბოლოს უნდა მოაწერონ.

„ანკარის დეკლარაცია გასაჯაროვდება მას შემდეგ, რაც მას ოთხშაბათს, ნატოს სამიტზე, ალიანსის ლიდერები დაამტკიცებენ“, - განუცხადა ნატოს პრესსპიკერმა Euronews-ს.