Euronews-ი ურსულა ფონ დერ ლაიენისა და კაია კალასის საქმიანობასთან დაკავშირებულ კითხვის ნიშნებზე წერს
Euronews-ის სტატიაში აღნიშნულია, რომ ევროკომისიის პრეზიდენტი ურსულა ფონ დერ ლაიენი უკვე დიდი ხანია, თავისი უფლებამოსილების ჩარჩოდან გავიდა და ხშირად აკეთებს განცხადებებს ევროკავშირის საგარეო პოლიტიკაზე, რაც ევროპული დიპლომატიის ხელმძღვანელის, კაია კალასის პოზიციებს კიდევ უფრო ასუსტებს. კალასი კი პოლიტიკურ კრიზისში მას შემდეგ მოექცა, რაც გავრცელდა საფრანგეთის მთავრობასთან დაკავშირებული არაფორმალური დოკუმენტი, რომლის მიხედვითაც, უმაღლესი წარმომადგენლის პოსტზე მის ყოფნასთან დაკავშირებით კითხვებია დასმული.
დოკუმენტში სამი ვარიანტია წარმოდგენილი, რომელთაგანაც ერთი მის როლს გააძლიერებს და გააფართოებს, დანარჩენი ორი კი მის როლს მნიშვნელოვნად შეასუსტებს და მისი უფლებამოსილებების ევროკომისიის ან წევრი სახელმწიფოებისთვის გადაცემასაც მოიაზრებს.
კალასის კრიტიკოსები ამტკიცებენ, რომ ზოგჯერ მისი პოზიცია ევროკავშირის 27 წევრი ქვეყნის მიერ მხარდაჭერილ კონსენსუსს სცილდება და პირად აზრს ეფუძნება. სხვადასხვა ქვეყნის რამდენიმე დიპლომატმა უკვე აღიარა, რომ კალასის მიმართ უარყოფითი რეაქცია ბოლო კვირების განმავლობაში გაძლიერდა.
იმედი
წყარო: imedinews.ge