ეუთოს საპარლამენტო ასამბლეის გენერალური მდივანი: არასდროს გვიდავია, რომ საქართველოს ახალი არჩევნები სჭირდება. სამწუხაროდ, ოპოზიცია არ არის პარლამენტში, მე კი ვფიქრობ, რომ პარლამენტი იქნებოდა სწორი ადგილი აზრიანი დისკუსიებისთვის

ჩვენ არასდროს არ გვიდავია, რომ საქართველოს ახალი არჩევნები სჭირდება. სამწუხაროდ, ოპოზიცია არ არის პარლამენტში. მე კი ვფიქრობ რომ სწორედ პარლამენტი იქნებოდა სწორი ადგილი აზრიანი დისკუსიებისთვის, - განაცხადა ეუთოს საპარლამენტო ასამბლეის გენერალურმა მდივანმა რობერტო მონტელამ.

მან დიალოგის მნიშვნელობაზე გაამახვილა ყურადღება.

„დიალოგი მნიშვნელოვანია. საერთაშორისო ორგანიზაციები, იქნება ეს ეუთო თუ სხვა, უნდა შევიდნენ დიალოგში. თუკი გადაწყვეტ სრულ ბოიკოტს კონკრეტული ქვეყნისა თუ მთავრობისადმი, მაშინ სხვა ინსტრუმენტები აღარ არსებობს და ამ ქვეყანას თავი უნდა დაანებო. მე კი ვფიქრობ, რომ ჩვენი პრინციპია ჩართულობა, განსაკუთრებით აზრთა სხვადასხვაობისას, გამოსავლის მონახვის მიზნით. ვცდილობთ ხელი შევუწყოთ ჩართულობისა და დიალოგის იდეას და არა ბოიკოტს“, - აღნიშნა მონტელამ.

პარიზში ევროსაბჭოს საპარლამენტო ასამბლეისა და ვენეციის კომისიის წარმომადგენელთა მონაწილეობით დებატები დასრულებულია. დისკუსიაში საქართველოს ცენტრალური საარჩევნო კომისიის დელეგაციაც მონაწილეობდა.