ევროკავშირი აცხადებს, რომ სისხლის სამართლის საერთაშორისო სასამართლოს წინააღმდეგ მიმართული მუქარა მიუღებელია
ტრამპის ადმინისტრაციამ განაცხადა, რომ სხვა ქვეყნებზე ზეწოლას მოახდენს, რათა მათ სასამართლო დატოვონ, რაც ჰააგაში დაფუძნებული ინსტიტუტის იზოლირებისკენ მიმართული აშშ-ის ძალისხმევის მკვეთრ ესკალაციას წარმოადგენს.
ევროკავშირმა სამშაბათს მწვავედ გააკრიტიკა სისხლის სამართლის საერთაშორისო სასამართლოს (ICC) წინააღმდეგ მიმართული მუქარა მას შემდეგ, რაც ვაშინგტონმა ტრიბუნალის წინააღმდეგ ფართომასშტაბური კამპანიის განხორციელების პირობა დადო.
„ჩვენ მტკიცედ ვუჭერთ მხარს საერთაშორისო სისხლის სამართლის მართლმსაჯულებას და ბრძოლას დაუსჯელობის წინააღმდეგ. სასამართლოს მიერ არჩეული თანამდებობის პირების, პერსონალის ან სასამართლოსთან თანამშრომლობაში მყოფი პირების მიმართ განხორციელებული თავდასხმები ან მუქარა, უბრალოდ, მიუღებელია“, - განაცხადა ევროკავშირის სპიკერმა, ანუარ ელ ანუნიმ.
ეს კომენტარი მას შემდეგ გაკეთდა, რაც აშშ-ის სახელმწიფო მდივანმა, მარკო რუბიომ სისხლის სამართლის საერთაშორისო სასამართლოს დისკრედიტაციისკენ მიმართული ფართომასშტაბური კამპანია დაიწყო, რაც შესაძლოა დამატებით სანქციებსა და სხვა ზომებსაც მოიცავდეს.
იმედი
წყარო: imedinews.ge