Financial Times: CIA-ს დირექტორი, ჯონ რეტკლიფი რუსეთ-უკრაინის მოლაპარაკებებში ამერიკის მხრიდან უფრო აქტიურ ჩართულობას გეგმავს

აშშ-ის ოფიციალურმა პირებმა ევროპელ კოლეგებს განუცხადეს, რომ ცენტრალური სადაზვერვო სამმართველოს (CIA) დირექტორი, ჯონ რეტკლიფი რუსეთ-უკრაინის მოლაპარაკებებში ამერიკის მხრიდან უფრო აქტიურ ჩართულობას გეგმავს, რათა ჩიხში შესულ დიპლომატიურ პროცესს ახალი იმპულსი მიეცეს. ინფორმაციას ამის შესახებ გამოცემა Financial Times-ი ავრცელებს.

გეგმებში ჩახედული ხუთი წყაროს ცნობით, ეს ნაბიჯი უკავშირდება თეთრი სახლის განხილვებს აშშ-ის სპეციალური წარმომადგენლის, სტივ უიტკოფისა და პრეზიდენტ დონალდ ტრამპის სიძის, ჯარედ კუშნერის ჩართულობის შემცირებასთან დაკავშირებით, რომლებიც აქამდე მოსკოვსა და კიევთან მოლაპარაკებებს უძღვებოდნენ.

რეტკლიფთან დაახლოებულმა ოფიციალურმა პირებმა ევროპელ კოლეგებს განუცხადეს, რომ იგი უფრო დიდ როლს შეასრულებს რუსეთსა და უკრაინას შორის დიპლომატიაში - რაც ამჟამად უიტკოფისა და კუშნერის კომპეტენციაში შედის - და ამავდროულად შეინარჩუნებს კონტაქტს ორივე ქვეყნის დაზვერვის ოფიცრებთან.