Financial Times-ი უკრაინაში განხორციელებულ საკადრო ცვლილებებს „თვითგამანადგურებელს“ უწოდებს
უკრაინის თვითგამანადგურებელი საკადრო ცვლილებები - ამ სათაურის ანალიტიკურ სტატიას უკრაინის მთავრობაში მიმდინარე უახლეს ცვლილებებზე Financial Times-ი აქვეყნებს. გამოცემა წერს, რომ პრეზიდენტ ვოლოდიმირ ზელენსკის შიდა პოლიტიკური მმართველობა ზოგჯერ ბუნდოვანი, რთულად გასამართლებელი და კონტრ-პროდუქტიულია.
მიხაილ ფედოროვის თავდაცვის მინისტრის პოსტიდან გათავისუფლებაც სწორედ ასეთ ნაბიჯს განეკუთვნება. გამოცემის ცნობით, უკრაინა ომის დაწყების შემდეგ უკვე მეხუთე თავდაცვის მინისტრს გამოიცვლის, ასეთი სწრაფი ცვლილებები კი ქვეყნის თავდაცვით ძალისხმევას მხოლოდ ძირს უთხრის.
FT წერს, რომ ფედოროვი არასწორი მიზეზების გამო გადააყენეს. სტატიაში აღნიშნულია, რომ თავდაცვის ყოფილი მინისტრი დასავლეთ პარტნიორებსა და უკრაინელ ხალხშიც პოპულარობით სარგებლობდა და სამომავლოდ პრეზიდენტობის კანდიდატადაც განიხილებოდა.
იმედი
წყარო: imedinews.ge