Fox News: აშშ-ში რეგულარის ტიპის საწვავის საშუალო ეროვნულმა ფასმა 4.50 დოლარს გადააჭარბა

ამერიკელი ავტომობილისტების ასოციაციის (AAA) მონაცემებით, აშშ-ში რეგულარის ტიპის საწვავის საშუალო ეროვნულმა ფასმა 4.50 დოლარს გადააჭარბა, - წერს ტელეკომპანია Fox News-ი.

ფასების ეს ზრდა უკავშირდება აშშ-სა და ირანს შორის არსებულ კონფლიქტს, რომელიც უკვე თითქმის სამი თვეა მიმდინარეობს და კვლავ მოუგვარებელია.

ორშაბათის მონაცემებით, რეგულარის ტიპის საწვავის საშუალო ფასი 4.507 დოლარს შეადგენს. ეს მაჩვენებელი მკვეთრად აღემატება გასული თვის საშუალო ფასს ($4.086) და მნიშვნელოვნად მაღალია გასული წლის ანალოგიურ პერიოდთან შედარებით, როდესაც ერთი გალონი საწვავი საშუალოდ 3.181 დოლარი ღირდა. გუშინდელ მაჩვენებელთან ($4.515) შედარებით კი მხოლოდ უმნიშვნელო კლება ფიქსირდება.

ამჟამად აშშ ირანის წინააღმდეგ ბლოკადის რეჟიმს აგრძელებს.