გაეროს გენერალური მდივანი ახლო აღმოსავლეთში სრულმასშტაბური ომის საფრთხის შესახებ აფრთხილებს

გაერთიანებული ერების ორგანიზაციის გენერალურმა მდივანმა, ანტონიუ გუტერეშმა ახლო აღმოსავლეთში კონფლიქტის მკვეთრი ესკალაციის გამო სერიოზული შეშფოთება გამოხატა.

მისი განცხადებით, ირანსა და ამერიკის შეერთებულ შტატებს შორის განხორციელებული ორმხრივი სამხედრო დარტყმების შემდეგ, რეგიონში „სრულმასშტაბური ომის“ დაწყების რისკი მნიშვნელოვნად გაიზარდა.

„ჩვენ არ უნდა დავაკნინოთ იმის საფრთხე, რომ მცირე ნაპერწკალი დიდ ხანძრად, ანუ სრულმასშტაბურ ომად გადაიზარდოს“, - განაცხადა გაეროს გენერალურმა მდივანმა.