გერმანია მესამე ნაკრები გახდა, რომელმაც პლეი-ოფში გასვლა გაინაღდა⚽

ამერიკის კონტინენტზე ფეხბურთში მსოფლიო ჩემპიონატი გრძელდება. გერმანიის ნაკრებმა კოტ-დ'ივუარი ანგარიშით 2:1 დაამარცხა და 6 ქულით შემდეგ ეტაპზე გასვლა უკვე გაინაღდა. შემდეგ ეტაპზე ასევე გადავიდნენ ტურნირის მასპინძლები - მექსიკა და აშშ.

40 წლის გერმანელმა მეკარემ მანუელ ნოიერმა კი რეკორდი დაამყარა გოლკიპერებს შორის მსოფლიო ჩემპიონატზე ნათამაშები მატჩების რაოდენობით - ეს შეხვედრა მისთვის 21-ე იყო.

ამავე E ჯგუფში ერთმანეთს ეკვადორი და კიურასაო დაუპირისპირდნენ. შეხვედრა ნულოვანი ფრით დასრულდა, კიურასაოელებმა კი ტურნირზე პირველი ქულის მოპოვება მოახერხეს.

F ჯგუფში ნიდერლანდებმა შვედეთი ანგარიშით 5:1 გაანადგურეს, იაპონიამ კი ტუნისი 4:0. ჯგუფის ლიდერები 4-4 ქულით ნიდერლანდები და იაპონია არიან, ტუნისმა კი ჯგუფიდან გასვლის შანსები დაკარგა.