გერმანიის ფინანსთა მინისტრი: ახალი ვალის აღების გარეშე ქვეყანა საკუთარი უსაფრთხოების უზრუნველყოფას ვერ შეძლებს

გერმანიის ფინანსთა მინისტრმა, ლარს კლინგბაილმა მზარდი საფრთხეების ფონზე თავდაცვის ხარჯების ზრდა განმარტა და აღნიშნა, რომ ახალი ვალის აღების გარეშე ქვეყანა საკუთარი უსაფრთხოების უზრუნველყოფას ვერ შეძლებს.

„ეს ჰგავს მთვარეზე გაფრენას რაკეტის გარეშე“, - განაცხადა კლინგბაილმა პარლამენტის ქვედა პალატაში 2027 წლის ბიუჯეტის პროექტის წარდგენისას.

ბერლინი თავდაცვისა და უსაფრთხოების დაფინანსებას ზრდის, რაც აშშ-ის პრეზიდენტის, დონალდ ტრამპის მხრიდან ნატოს მოკავშირეებზე ზეწოლითა და იმ გაფრთხილებებითაა განპირობებული, რომლებიც რუსეთისა და ირანის მხრიდან მზარდ კიბერ და ჰიბრიდულ საფრთხეებს უკავშირდება.

გერმანიის მთავრობამ ბიუჯეტის პირველი პროექტი ივლისში დაამტკიცა, რაც ინვესტიციებისა და თავდაცვის ხარჯების გაზრდას ითვალისწინებს. ამ ნაბიჯის მიზანია ქვეყნის შენელებული ეკონომიკის დაცვა ომით გამოწვეული ენერგეტიკული შოკებისა და წლების განმავლობაში არსებული არასაკმარისი ინვესტირებისგან.

2027-დან 2030 წლამდე პერიოდში გერმანია სულ 838.2 მილიარდი ევროს სესხებას გეგმავს.