გერმანიის საგარეო საქმეთა მინისტრი კიევს სამხედრო შეიარაღების შეძენისას გერმანიის ინტერესების გათვალისწინებისკენ მოუწოდებს

გერმანიის საგარეო საქმეთა მინისტრმა იოჰან ვადეფულმა უკრაინის პრეზიდენტი ვოლოდიმირ ზელენსკი გააკრიტიკა და მას მოუწოდა გერმანიის ინტერესებს მეტი ყურადღება დაუთმოს. ინფორმაციას გერმანული მედია ავრცელებს.

„დღეის მდგომარეობით ფინანსური და სამხედრო მხარდაჭერის კუთხით ჩვენ უკრაინის ყველაზე ძლიერი მომხრეები ვართ. და ბუნებრივია, რომ გერმანული სამხედრო მრეწველობა ამით უნდა ხეირობდეს“, - განაცხადა გერმანიის პირველმა დიპლომატმა.

როგორც ვადეფულმა აღნიშნა, მან აღნიშნული საკითხი კიევში განხორციელებული ვიზიტის დროს ზელენსკისთან განიხილა. „ჩვენ თქვენს მხარეს ვართ, მხარს გიჭერთ. მაგრამ ეს გერმანელ გადასახადების გადამხდელებსაც უნდა ავუხსნა. როგორც მინიმუმ, საჭიროა, რომ ყველა შესყიდვაში გერმანიის სამხედრო მრეწველობა მონაწილეობდეს“, - დასძინმა ვადეფულმა.