გიორგი ჩაკვეტაძე: გერმანიის ფედერაციული რესპუბლიკა თუ არ ჩაერევა საქართველოს შიდა საქმეებში, ყველანაირი საფუძველი გვაქვს იმისთვის, რომ ურთიერთობები გაუმჯობესდეს

გერმანიის ფედერაციული რესპუბლიკა თუ არ ჩაერევა საქართველოს შიდა საქმეებში, ყველანაირი საფუძველი გვაქვს იმისთვის, რომ ურთიერთობები გაუმჯობესდეს, - განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველმა მოადგილემ გიორგი ჩაკვეტაძემ.

მისი თქმით, ყოფილმა ელჩმა, პეტერ ფიშერმა საქართველოსა და გერმანიას შორის ურთიერთობები გააფუჭა.

„ის, რომ ურთიერთობებს აქვს ყველანაირი საშუალება, რომ გაუმჯობესდეს, ეს არის ფაქტი. ყოფილმა ელჩმა თავად თქვა, რომ წავიდა პენსიაზე. მას არც საქართველოსთვის და არც გერმანიისთვის, საქართველოსთან ურთიერთობის კუთხით არაფერი გაუკეთებია. მინიმუმ გააფუჭა ურთიერთობები. გვაქვს პოზიტიური მოლოდინი, უფრო სწორად, არსებობს შესაძლებლობა, რომ ურთიერთობები გაუმჯობესდეს, თუმცა ამ ყველაფერს სჭირდება პოლიტიკური ნება. გერმანიის ფედერაციული რესპუბლიკა თუ არ ჩაერევა საქართველოს შიდა საქმეებში, ყველანაირი საფუძველი გვაქვს იმისთვის, რომ ურთიერთობები გაუმჯობესდეს“, - აღნიშნა ჩაკვეტაძემ.

ალექსანდრე კარტოზიას მიერ გერმანიის პრეზიდენტისთვის რწმუნებათა სიგელების გადაცემის ცერემონიის ჩანიშვნის პარალელურად, გერმანიის საგარეო საქმეთა სამინისტროს ოფიციალური ვებ-გვერდიდან წაიშალა ის გვერდი, სადაც სალომე ზურაბიშვილი საქართველოს მოქმედ პრეზიდენტად იყო მოხსენიებული