გიორგი გაბუნია: ოპოზიციის განცხადებები განცხადებებად დარჩება, რადგან მათ არ აქვთ შესაძლებლობა ქვეყნის წინააღმდეგ კონკრეტული ქმედებები განახორციელონ
ამ ადამიანების ერთადერთი ფუნქცია რაც ქვეყანაში დარჩა, ეს არის სეირის ჩატარება და მერე ამის ყურება, სხვა ფუნქცია მათ აღარ აქვთ, - განაცხადა პარლამენტის კულტურის კომიტეტის თავმჯდომარემ და საზოგადოება „ქართულის“ ლიდერმა, გიორგი გაბუნიამ ოპოზიციაზე საუბრისას.
მისი თქმით, ოპოზიციის განცხადებები განცხადებებად დარჩება, რადგან მათ არ აქვთ შესაძლებლობა ქვეყნის წინააღმდეგ კონკრეტული ქმედებები განახორციელონ.
„ოპოზიცია ასეთ განცხადებებს აკეთებენ მხოლოდ იმისთვის, რომ საზოგადოება გაამხიარულონ“, - აღნიშნა გიორგი გაბუნიამ.
ურთიერთბრალდებები და დაპირისპირება ოპოზიციაში უკვე მწვავე ფაზაშია. მიხელ სააკაშვილსა და ნიკა მელიას შორის დაწყებულ დაპირისპირებაში მათივე პარტიის წევრები ჩაერთნენ. ნაციონალური მოძრაობა მათსავე ყოფილ თავმჯდომარეს სააკაშვილთან მიმართებით თავშეკავებისა და ძველი ტრავმების დავიწყებისკენ მოუწოდებს.
იმედი
წყარო: imedinews.ge