გიორგი გაბუნია პეტერ ფიშერზე: ერთი რამ მინდა მას ვუთხრა, რომელიც დღეს ასრულებს თავისი უფროსების დავალებებს, „დიფ სთეითი“ პირველ რიგში, უნდა ეძებოს თავის ქვეყანაში

გიორგი გაბუნია პეტერ ფიშერზე: ერთი რამ მინდა მას ვუთხრა, რომელიც დღეს ასრულებს თავისი უფროსების დავალებებს, „დიფ სთეითი“ პირველ რიგში, უნდა ეძებოს თავის ქვეყანაში, - განაცხადა გადაცემაში „დღის ქრონიკა“ პარლამენტის კულტურის კომიტეტის თავმჯდომარემ და საზოგადოება „ქართულის“ ლიდერმა, გიორგი გაბუნიამ გერმანიის ელჩზე საუბრისას.

მისივე თქმით, ფიშერი აბსოლუტურად უფუნქციო და პოლიტიკურად გაკოტრებული ადამიანია.

„წლების განმავლობაში ერეოდა ქვეყნის საშინაო საქმეებში, პოლიტიკურ ცხოვრებაში და იჭერდა კონკრეტულ პოზიციას - რადიკალების მხარეს, რამაც ფაქტობრივად, ფიშერი, დიპლომატი გამოიყვანა წყობიდან და დღეს ჩვენ ასეთი დიდი სახელმწიფოს წარმომადგენლის სახით გვყავს აბსოლუტურად უფუნქციო და პოლიტიკურად გაკოტრებული ადამიანი.

ეს ადამიანი, რომელიც დღეს ჩვენ ირონიულად გვესაუბრება და თითქოს, „დიფ სთეითს“ პოულობს-ვერ პოულობს, ერთი რამ მინდა მას ვუთხრა, რომელიც დღეს ასრულებს თავისი უფროსების დავალებებს, „დიფ სთეითი“ პირველ რიგში, უნდა ეძებოს თავის ქვეყანაში“, - განაცხადა გაბუნიამ.

„ქართული ოცნება“ გერმანიის ელჩს „დიფ სთეითის“ საკითხით მანიპულირებაში ამხელს - მმართველ ძალაში მიიჩნევენ, რომ პეტერ ფიშერი თავისი ცინიზმით შეერთებულ შტატებსა და იმ ქვეყნების ლიდერებს დასცინის, რომლებიც ამ თემაზე დიდი ხანია, ლაპარაკობენ. გერმანელმა დიპლომატმა განაცხადა, რომ თითქოს, „დიფ სთეითი“ საქართველოს ხელისუფლების მიერ გამოგონილი კონსპირაციაა.