გიორგი გაბუნია: როდესაც ირანთან მეზობელი სომხეთი ურთიერთობს და აქვს შეხვედრები, ეს არის სრულიად ბუნებრივი და ნორმალური პოლიტიკური პროცესი

როდესაც ირანთან მეზობელი სომხეთი ურთიერთობს და აქვს შეხვედრები, ეს არის სრულიად ბუნებრივი, ნორმალური პოლიტიკური პროცესი, - განაცხადა პარლამენტის კულტურის კომიტეტის თავმჯდომარემ და საზოგადოება „ქართულის“ ლიდერმა, გიორგი გაბუნიამ ირანის დელეგაციის სომხეთში ვიზიტზე საუბრისას.

მისივე თქმით, ირანის დელეგაციის სომხეთში ვიზიტში ყურადღებას იქცევს ის ფაქტი, რომ აღნიშნულ შეხვედრაზე კრიტიკას არავინ გამოთქვამს, განსხვავებით საქართველოს ირანთან ურთიერთობაზე.

„აქ ყურადღებას იქცევს მხოლოდ ერთი ფაქტი, რომ სომხეთი, რომელიც ისწრაფვის ევროკავშირისკენ, რომ ურთიერთობს ირანთან არ არის კრიტიკის საგანი, ხოლო საქართველო, რომელიც გაემიჯნა ომის და დესტრუქციის პოლიტიკას და არ ჩაერთო იმ საშიშ სცენარებში, რომელიც განადგურებას უქადდა ჩვენს ქვეყანას, ნებისმიერი მისი საგარეო აქტივობა ხდება კრიტიკის საგანი“, - აღნიშნა გიორგი გაბუნიამ.