გიორგი კახიანი: ევროპარლამენტის რეზოლუციები გაჯერებულია ფეიკი ინფორმაციებით, „იმედი“ ამ დროს ყველაფერს აკეთებს, რომ სწორი ინფორმაცია მიაწოდოს ჩვენს საზოგადოებას. როგორც ჩანს, კონკრეტულ ძალას ეს არ მოსწონს და ცდილობენ ხელი შეუშალონ

ევროპარლამენტის რეზოლუციები გაჯერებულია ფეიკი, აღქმებზე აგებული ინფორმაციებით, „იმედი" ამ დროს ყველაფერს აკეთებს, რომ სწორი ინფორმაცია მიაწოდოს ჩვენს საზოგადოებას, როგორც ჩანს, კონკრეტულ ძალას არ მოსწონს ეს და ცდილობენ „იმედს" ხელი შეუშალონ,- განაცხადა საქართველოს პარლამენტის თავმჯდომარის მოადგილემ გიორგი კახიანმა.

დეპუტატი ევროპარლამენტისა და მოლდოვის მხრიდან ქართული თავისუფალი მედიის საწინააღმდეგო გადაწყვეტილებას გამოეხმაურა.

„მაშინ, როდესაც ერთი კონკრეტული პარლამენტარი საუბრობს, რომ მისი ძალისხმევის შედეგია ეს, სინამდვილეში ამ ყველაფრის უკან დგას ის ძალა, რომელიც ბოლო წლების განმავლობაში ყველანაირად ცდილობს დააზიანოს ჩვენი ქვეყნის ინტერესები. ყველაფერს აკეთებენ იმისთვის, რომ რადიკალური ოპოზიციური გაერთიანება მოიყვანონ ხელისუფლებაში. ევროპარლამენტის რეზოლუციები გაჯერებულია ფეიკი, აღქმებზე აგებული ინფორმაციებით. „იმედი" ამ დროს ყველაფერს აკეთებს, რომ სწორი ინფორმაცია მიაწოდოს ჩვენს საზოგადოებას და სიმართლე მივიდეს ჩვენს საზოგადოებამდე. როგორც ჩანს, კონკრეტულ ძალას ეს არ მოსწონს და ცდილობენ, რომ ასეთი მეთოდებით „იმედს" ხელი შეუშალონ“, - აღნიშნა კახიანმა.