გიორგი სოსიაშვილი: სისხლიანი რეჟიმის შემოქმედებმა სისხლით მორწყეს რუსთაველი, უამრავი ოჯახი გააუბედურეს და დღეს ჩვენ გვიკითხავენ მორალს

ძალიან კარგად გვახსოვს, სისხლიანი რეჟიმის შემოქმედებმა რა უბედურება დაატეხეს საქართველოს, - განაცხადა განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილემ, საპარლამენტო უმრავლესობის წევრმა გიორგი სოსიაშვილმა.

დეპუტატი გორში მომხდარ მძიმე ინციდენტზე ოპოზიციის სპეკულაციებს გამოეხმაურა.

„სისხლით მორწყეს არაერთგზის რუსთაველი და არა მარტო რუსთაველი და უამრავი ოჯახი გააუბედურეს. გვახსოვს ის შემზარავი კადრები და ასეთი ადამიანები დღეს გველაპარაკებიან ადამიანის უფლებებზე და მორალს გვიკითხავენ“, - აღნიშნა სოსიაშვილმა.

საქართველოს პროკურატურამ სამსახურებრივი უფლებამოსილების ძალადობით გადამეტების ფაქტზე 6 პოლიციელი დააკავა.

გორში მომხდარი მძიმე ინციდენტი პოლიტიკური სპექტრის ნაწილმა კვლავ სპეკულაციებისთვის გამოიყენა, რასაც გორის პოლიციის განყოფილებასთან ოპოზიციურად განწყობილთა პროტესტიც მოჰყვა. მმართველი გუნდის ოპონენტებმა მომხდარს სისტემური უწოდეს, რასაც სახელისუფლებო გუნდმა არგუმენტები დაუპირისპირა.