გიორგი სოსიაშვილი: სწორედ ამის მოლოდინი გვქონდა, რომ ამერიკის სახელმწიფო დეპარტამენტიდან იქნებოდა სამართლიანი დამოკიდებულება, რომ ქვეყანაში ერთხელ და სამუდამოდ შეწყდეს რადიკალიზაცია, პოლარიზაცია

სწორედ ამის მოლოდინი გვქონდა, რომ ამერიკის სახელმწიფო დეპარტამენტიდან იქნებოდა სამართლიანი დამოკიდებულება, რომ ქვეყანაში ერთხელ და სამუდამოდ შეწყდეს რადიკალიზაცია, პოლარიზაცია, - განაცხადა განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილემ, საპარლამენტო უმრავლესობის წევრმა, გიორგი სოსიაშვილმა „ქრონიკასთან“.

დეპუტატი გამოეხმაურა შეერთებული შტატების სახელმწიფო დეპარტამენტის გზავნილს, რაც ოპოზიციაში მორიგი დაპირისპირების მიზეზი გახდა.

„ამას ოპოზიციას ვერ დავარქმევთ, რადგან რადიკალებმა ამოწურეს თავიანთი რესურსი, თავი მოაბეზრეს ჩვენს საზოგადოებას, ხალხს. ვნახეთ აქციაზე ის გარკვეული ნარჩენები, ვინც შემოიკრიბეს იმისთვის, რომ თავიანთი პატრონებისთვის ანგარიშები ჩაებარებინათ და რომ ხელფასების ჩარიცხვა არ დაუგვიანდეთ. სწორედ ამის მოლოდინი გვქონდა, რომ ამერიკის სახელმწიფო დეპარტამენტიდან იქნებოდა სამართლიანი დამოკიდებულება, რომ ქვეყანაში ერთხელ და სამუდამოდ შეწყდეს რადიკალიზაცია, პოლარიზაცია და მოვლენები ჩვეულ კალაპოტში ჩადგეს“, - აღნიშნა სოსიაშვილმა.