გიორგი ვოლსკი: ევროკავშირის რეზოლუციები ემსახურება ნგრევას, რომელიც საქართველოში უნდა მოხდეს, ჩვენი ახალგაზრდები ბრძოლის ველზე გავრეკოთ და სისხლი დაიღვაროს

ინტერესი იმისა, რომ რუსეთთან გლობალურ დაპირისპირებაში საქართველომ შეასრულოს თავისი როლი, თვითონ კი დაინგრეს, მაგრამ დაპირისპირებულ მხარეს გარკვეული უპირატესობა მოუტანოს, დღის წესრიგში რჩება და ნებისმიერი რეზოლუცია ამას ემსახურება, - განაცხადა პარლამენტის პირველმა ვიცე-სპიკერმა გიორგი ვოლსკიმ „დღის ქრონიკაში".

დეპუტატი ევროკავშირში რეზოლუციების ახალი ტალღის გააქტიურებას გამოეხმაურა.

„ბევრი რეზოლუცია მიიღეს საქართველოს მიმართ და ყველასთვის ნათელია, რომ ისინი ემსახურება ნგრევას, რომელიც საქართველოში უნდა მოხდეს და ჩვენ, ჩვენი ახალგაზრდები ბრძოლის ველზე უნდა გავრეკოთ, სისხლი უნდა დაიღვაროს იმდენი, რამდენიც საჭიროა იმ ინტერესების რეალიზაციისთვის, რომელიც კონკრეტულ პირებს და ლობისტებს გააჩნიათ. ძალიან ცუდია, რომ ამაში ქართველად წოდებული ადამიანები არიან ჩართული. ერთი გვახსოვდეს, რომ არ შეცვლილა ინტერესები და აბსოლუტურად არავის აინტერესებს სიმართლე. ამას ხან ორმაგ სტანდარტს ვეძახით, ხან ჩანაფიქრს, ხან კონსპირაციას, მაგრამ ყველა უხდება. რა საკვირველია, ინტერესი იმისა, რომ რუსეთთან გლობალურ დაპირისპირებაში საქართველომ შეასრულოს თავისი როლი, თვითონ კი დაინგრეს, მაგრამ დაპირისპირებულ მხარეს გარკვეული უპირატესობა მოუტანოს, დღის წესრიგში რჩება და ნებისმიერი რეზოლუცია ამას ემსახურება“,- აღნიშნა ვოლსკიმ.